مسجد اقصیٰ کی حرمت پر کوئی سمجھوتہ نہیں، پاکستان سمیت 8 ممالک کے وزرائے خارجہ کا دوٹوک اعلان
Web Desk
24 July 2026
پاکستان سمیت 8 اہم مسلم ممالک کے وزرائے خارجہ نے ایک مشترکہ اعلامیے میں مسجدِ اقصیٰ میں اسرائیلی آبادکاروں اور انتہا پسند عناصر کی حالیہ اشتعال انگیز کارروائیوں کی سخت ترین الفاظ میں مذمت کی ہے۔ انہوں نے خبردار کیا ہے کہ ایسے اقدامات نہ صرف مقدس مقامات کے دینی و تاریخی تقدس کی کھلی پامالی ہیں بلکہ پورے مشرقِ وسطیٰ کے خطے میں کشیدگی اور تصادم کو خطرناک حد تک بڑھا رہے ہیں۔
اس مشترکہ اعلامیے پر پاکستان، سعودی عرب، متحدہ عرب امارات (UAE)، قطر، مصر، اردن، ترکیہ اور انڈونیشیا کے وزرائے خارجہ نے اتفاق کیا ہے۔ اعلامیے میں واضح طور پر کہا گیا ہے کہ مسجدِ اقصیٰ میں اسرائیلی انتہا پسند وزرا اور گروہوں کی سرگرمیاں اور اشتعال انگیزیاں بالکل ناقابلِ قبول ہیں اور یہ عمل خطے کے امن و استحکام کے لیے شدید ترین خطرہ بن چکا ہے۔
وزرائے خارجہ نے عالمی برادری اور بین الاقوامی اداروں پر زور دیا کہ وہ مسجدِ اقصیٰ کی تاریخی، قانونی اور مذہبی حیثیت کے تحفظ کو ہر صورت یقینی بنائیں، اور اس کی انتظامی ہیئت میں کسی بھی قسم کی یکطرفہ تبدیلی کو یکسر مسترد کر دیں۔
اعلامیے میں مسجدِ اقصیٰ کے انتظامی اور مذہبی امور سے متعلق اردن کے محکمہ اوقاف کے مسلمہ و خصوصی اختیارات کا اعادہ کیا گیا۔ تمام مسلم ممالک نے مل کر اسرائیل سے پرزور مطالبہ کیا کہ وہ مسلمانوں کو مسجدِ اقصیٰ میں عبادات اور نماز کی ادائیگی سے روکنے کا سلسلہ فوراً بند کرے، مذہبی آزادی کا احترام کرے اور خطے کو مزید تباہ کن تصادم کی طرف دھکیلنے والے اقدامات سے فوری گریز کرے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026