مجتبیٰ خامنہ ای کےمنتخب ہونے پر خوش نہیں، ایران میں فوج بھیجنے کا فیصلہ نہیں کیا، ٹرمپ

امریکی صدر ڈونلڈ ٹرمپ نے کہاہے کہ وہ مجتبیٰ خامنہ ای کے ایران کے رہبراعلیٰ منتخب ہونے کے فیصلے پر خوش نہیں۔امریکی اخبار نیویارک پوسٹ کے نمائندے سے گفتگوکرتے ہوئے امریکی صدر نے کہاکہ وہ ایران میں امریکی فوج بھیجنے کے فیصلہ لینے سے ابھی بہت دورہیں۔

جب ٹرمپ سے پوچھا گیا کہ کیا وہ یورینیم کے ذخائر کو محفوظ کرنے کے لیے ایران میں امریکی فوج بھیجنے پر غور کریں گے تو ٹرمپ کا کہنا تھا کہ ہم نے اس بارے میں کوئی فیصلہ نہیں کیا ہے۔ ہم ابھی اس کے قریب بھی نہیں ہیں۔