ایران کو ایک رات میں ختم کیاجاسکتاہے، وہ منگل کی رات بھی ہوسکتی ہے، ٹرمپ کی دھمکی

ایران کو ایک رات میں ہی ختم کیاجاسکتاہے اور وہ رات منگل کی رات بھی ہوسکتی ہے۔ امریکی صدرڈونلڈٹرمپ  کی ایران کو دھمکی۔ وائٹ ہاؤس میں پریس کانفرنس کرتے ہوئے کہاکہ  امریکا کے پاس دنیا کابہترین جنگی سازوسامان ہے۔ ایران کے پاس جوہری ہتھیارنہیں ہونے چاہئیں۔ امریکا ایران میں اپنے اہداف حاصل کرنے میں کامیاب رہاہے۔

امریکی صدرنے کہاکہ امریکا نے گزشتہ روز تاریخ کا بڑا اور اہم ریسکیو مشن سرانجام دیا،  ہم نے ایران سے پائلٹ کو دن کی روشنی میں نکالا۔ ایران میں مشن کے دوران امریکی فوجیوں کو انتہائی قریب سے فائرنگ کا سامنا بھی ہوا۔

ڈونلڈ ٹرمپ نے کہا کہ ایران میں دوسرے آپریشن میں 155 طیاروں نے حصہ لیا، میں نے امریکی فوج کو آپریشن کرنے کا حکم دیا تھا، پائلٹ کی تلاش کے لیے ہمارے طیارے ایران کے اندر تک گئے۔انہوں نے کہا کہ آپریشن بہت خوب تھا ریسکیو آپریشن میں کوئی اہلکار تک زخمی نہیں ہوا۔

ٹرمپ کا کہنا تھا کہ ہم نے گزشتہ روز کے مشن میں ہیلی کاپٹرز بھی استعمال کیے، جدید امریکی ہیلی کاپٹروں کی کارکردگی نہایت شاندار رہی۔