ہیوسٹن کراچی سسٹر سٹی ایسوسی ایشن کے وفد کا کراچی انسٹی ٹیوٹ آف نیورولوجیکل ڈیزیزز اینڈ ری ہیبیلیٹیشن KIND-Rکا دورہ

ہیوسٹن کراچی سسٹر سٹی ایسوسی ایشن کے صدر محمد سعید شیخ اور کراچی چیپٹر کے صدر کاشف غیاث نے دماغی امراض اور بحالی کے معروف ادارے کا دورہ کیا، جہاں انہوں نے جدید طبی سہولیات اور مربوط نظام کو سراہا۔

دورے کے دوران وفد کو ادارے کے مختلف شعبہ جات کا تفصیلی معائنہ کروایا گیا۔ اس موقع پر محمد سعید شیخ نے کہا کہ ایک ہی چھت تلے اس قدر جامع اور جدید طبی سہولیات کا ہونا نہایت کم دیکھنے میں آتا ہے۔ انہوں نے اس ادارے کو معاشرے کے لیے ایک بڑی نعمت اور پاکستان کے طبی شعبے میں اہم اضافہ قرار دیا۔

ان کا کہنا تھا کہ ایسے ادارے نہ صرف مریضوں کے لیے امید کی کرن ہیں بلکہ ملکی سطح پر صحت کے نظام کو مضبوط بنانے میں بھی اہم کردار ادا کرتے ہیں۔

دورے کو عالمی تعاون، جدت اور بہترین طبی خدمات کے فروغ کی جانب ایک مثبت پیش رفت قرار دیا جا رہا ہے، جو ملک میں دماغی صحت کے شعبے کو مزید مستحکم بنانے میں معاون ثابت ہوگا۔