میرے خیال سے ایران کےنئے سپریم لیڈرامن سے زندگی نہیں گزارسکیں گے، امریکی صدر

امریکی صدر ڈونلڈ ٹرمپ نے کہا ہے کہ تہران اب واقعی مذاکرات کرنا چاہتا ہے، مگر بات چیت شرائط پر منحصر ہے۔غیر ملکی خبررساں ادارے سے گفتگو کرتے ہوئے امریکی صدر ڈونلڈ ٹرمپ نے کہا کہ ایران کے ساتھ بات چیت ممکن ہے، ٹرمپ نے ایران کے نئے سپریم لیڈر مجتبیٰ خامنہ ای کے حوالے سے ناپسندیدگی ظاہر کی۔

صدر ٹرمپ نے کہا کہ نہیں لگتا کہ نئے سپریم لیڈر امن سے زندگی گزار سکیں گے، انہوں نے کہا کہ امریکا کی ایران میں فوجی کارروائیوں کے نتائج متوقع سے کہیں زیادہ تھے۔امریکی صدر ڈونلڈ ٹرمپ نے خلیجی ممالک پر ایران کے میزائل اور ڈرون حملوں پر حیرت کا اظہار کیا۔

دوسری جانب ایران کی پاسدارانِ انقلاب نے کہا ہے کہ جنگ کب ختم ہوگی اس کا فیصلہ ایران کرے گا۔ایرانی حکام نے خبردار کیا کہ اگر امریکا اور اسرائیل کے حملے جاری رہے تو خطے سے ایک لیٹر تیل بھی برآمد نہیں ہونے دیا جائے گا۔