امریکا کا آبنائے ہرمز سے گزرنے والے جہازوں کی حفاظت کرنے سے انکار

امریکی بحریہ نے ایران کے خلاف جنگ شروع ہونے کے بعد آبنائے ہرمز سے گزرنے والے تجارتی جہازوں کو تحفظ فراہم کرنے کی شپنگ انڈسٹری کی درخواستیں مسترد کر دی ہیں۔

امریکی بحریہ نے شپنگ اور تیل کی صنعت کے نمائندوں کو بریفنگ دیتے ہوئے واضح کیا کہ فی الحال وہ جہازوں کو فوجی حفاظت فراہم کرنے کی پوزیشن میں نہیں ہیں۔

امریکی حکام کے مطابق موجودہ صورتحال میں حملوں کا خطرہ بہت زیادہ ہے، اس لیے بحری جہازوں کو فوجی تحفظ دینا ممکن نہیں۔

یہ صورتحال امریکی صدر کے اس بیان سے مختلف ہے جس میں انہوں نے کہا تھا کہ ضرورت پڑنے پر امریکا جہازوں کو بحری تحفظ فراہم کرے گا تاکہ اس اہم گزرگاہ سے تیل کی ترسیل دوبارہ شروع ہو سکے۔

واضح رہے کہ امریکی اور اسرائیلی حملوں کے باعث آبنائے ہرمز سے تیل کی تجارت معطل ہو چکی ہے جبکہ عالمی منڈی میں تیل کی قیمتیں 2022 کے بعد بلند ترین سطح پر پہنچ گئی ہیں۔