امریکی صدر ڈونلڈ ٹرمپ کا آبنائے ہرمز کھلوانے کا فیصلہ

امریکا کے صدر ڈونلڈ ٹرمپ نے آبنائے ہرمز کھلوانے کا فیصلہ کر لیا ہے۔ صدر ٹرمپ کا کہنا ہے کہ ضرورت پڑنے پر آبنائے ہرمز میں کمرشل جہازوں کے ساتھ امریکی نیوی بھی جائے گی تاکہ کشیدگی کے دوران تجارتی سرگرمیوں کو تحفظ فراہم کیا جا سکے۔

صدر ٹرمپ نے مزید کہا کہ جہازوں کے انشورنس کے لیے امریکی مالیاتی ادارے مدد فراہم کریں گے۔ آئل ٹینکرز اور دیگر تمام تجارتی جہازوں کو انشورنس اور گارنٹیز فراہم کی جائیں گی تاکہ خلیج میں جاری کشیدگی کے باوجود تجارتی سرگرمیاں بلا روک ٹوک جاری رہ سکیں۔

امریکا نے واضح کیا کہ یہ اقدام خلیج میں تجارتی جہازوں کی حفاظت اور بین الاقوامی بحری تجارتی سرگرمیوں کے تحفظ کے لیے کیا جا رہا ہے۔