اقوام متحدہ نے مصنوعی ذہانت انسانیت کیلئے خطرناک قرار دیدی

اقوام متحدہ نے خبردار کیا ہے کہ جدید مصنوعی ذہانت (AI) کی تیز رفتار اور بے لگام پیشرفت انسانیت کے وجود اور بنیادی حقوق کے لیے شدید خطرہ بن سکتی ہے۔ اقوام متحدہ کے ہائی کمشنر برائے انسانی حقوق وولکر ترک نے جنیوا میں انسانی حقوق کونسل کے اہم اجلاس سے خطاب کرتے ہوئے زور دیا کہ مصنوعی ذہانت کی ٹیکنالوجی سے متعلق اس سے پہلے کہ بہت دیر ہو جائے، مضبوط، جامع اور ناقبلِ خلاف ورزی ضمانتیں اور ضوابط وضع کیے جانے چاہئیں۔ انہوں نے تشویش کا اظہار کرتے ہوئے کہا کہ اس وقت دنیا بھر میں صرف چند طاقتور افراد اور بڑی ٹیک کمپنیوں کے پاس مصنوعی ذہانت کی صورت میں تقریباً لامحدود اور بے قابو طاقت جمع ہو چکی ہے۔

وولکر ترک نے اے آئی تیار کرنے والی کمپنیوں اور ٹیکنالوجی کی ترسیلی زنجیر (سپلائی چین) میں شامل ممالک پر زور دیا کہ وہ اس کے ممکنہ انسانی اور سماجی خطرات کو کم سے کم کرنے کے لیے فوری طور پر ذمہ دارانہ اقدامات کریں۔ انہوں نے مطالبہ کیا کہ جدید مصنوعی ذہانت کے اخلاقی استعمال کے لیے بین الاقوامی سطح پر ایسے واضح، متفقہ اور سخت اصول و ضوابط طے کیے جانے چاہئیں جن کی خلاف ورزی کی کوئی گنجائش نہ ہو۔ ان کا کہنا تھا کہ ترقی یافتہ ممالک کو ٹیکنالوجی کے فوائد حاصل کرنے کے ساتھ ساتھ اس کے انسان دشمن اور تباہ کن اثرات سے دنیا کو محفوظ رکھنے کے لیے عالمی اتفاقِ رائے قائم کرنا ہو