امریکا، روس اور یوکرین کے درمیان مذاکرات کی بحالی خارج از امکان نہیں: کریملن

روس کے صدارتی محل کریملن نے واضح کیا ہے کہ روس یوکرین جنگ کے خاتمے اور پائیدار حل کے لیے امریکہ، روس اور یوکرین کے درمیان سہ فریقی مذاکرات کی بحالی کا امکان موجود ہے، تاہم مذاکرات کی حتمی جگہ اور تاریخ کے بارے میں فی الحال کچھ بھی کہنا قبل از وقت ہو گا۔ کریملن کے ترجمان دمتری پیسکوف کے مطابق امریکی مذاکرات کاروں سٹیو وٹکوف اور جیرڈ کشنر نے ہفتے کے اختتام پر روسی صدر ولادی میر پیوٹن اور یوکرینی صدر ولادیمیر زیلنسکی سے اہم ملاقاتیں کیں۔ واضح رہے کہ امریکی قیادت میں جنگ بندی اور امن کی سفارتی کوششیں گزشتہ چند ماہ سے تعطل کا شکار تھیں، جبکہ روس اور یوکرین کے مابین براہِ راست مذاکرات فروری میں جنیوا میں آخری بار ہوئے تھے جہاں دونوں فریق سرحدی اور علاقائی تنازعات پر کسی حتمی معاہدے تک پہنچنے میں ناکام رہے تھے۔

یوکرین کے ایک اعلیٰ عہدیدار کے مطابق امریکی نمائندے اس بار جنگ بندی کے لیے نسبتاً زیادہ جامع اور مؤثر تجاویز لے کر آئے تھے، تاہم فی الوقت ماسکو یا کیف کی جانب سے کسی حتمی پیش رفت کا باضابطہ اعلان نہیں کیا گیا ہے۔ یوکرینی حکام نے مزید بتایا کہ سفارتی اور امن مذاکرات کی کامیابی کی راہ میں مشرقی یوکرین کا ‘ڈونباس خطہ’ بدستور سب سے بڑی اور پیچیدہ ترین رکاوٹ بنا ہوا ہے، جس پر دونوں فریقین اپنے اپنے مواقف سے پیچھے ہٹنے کو تیار نہیں