اقوام متحدہ کا ایران میں لڑکیوں کے سکول پر حملے پر اظہار تشویش

اقوام متحدہ نے ایران میں ایک لڑکیوں کے سکول پر ہونے والے حملے پر شدید تشویش ظاہر کی ہے۔

سیکرٹری جنرل انتونیو گوتریس کے ترجمان اسٹیفن ڈوجارک نے پریس بریفنگ میں کہا کہ حملے میں طالبات کے جاں بحق ہونے کی خبریں انتہائی افسوسناک ہیں اور سکول حملے کی آزادانہ تحقیقات کرنی چاہئیں۔انہوں نے مزید کہا کہ مشرق وسطیٰ میں شہریوں پر حملے افسوسناک ہیں، اور سویلین انفراسٹرکچر پر حملے اور لوگوں کی نقل مکانی میں اضافہ تشویشناک ہے۔ترجمان نے زور دیا کہ توانائی کی تنصیبات پر حملے نہیں ہونے چاہئیں اور تمام فریقین بین الاقوامی انسانی قانون کا احترام کریں۔ انہوں نے کہا کہ کشیدگی کم کرنے کے لیے سفارتی کوششوں کو ترجیح دی جائے۔