ترکیے نے کرسمس اور نئے سال کی تقریبات پر داعش حملے ناکام بنا دیئے: ترک میڈیا

ترک میڈیا کے مطابق ترکیے کی سکیورٹی فورسز نے کرسمس اور نئے سال کی تقریبات کے دوران داعش کے ممکنہ حملوں کو ناکام بنا دیا ہے۔ اس سلسلے میں استنبول کے 124 مختلف مقامات پر بیک وقت چھاپے مارے گئے، جن کے دوران 115 مشتبہ افراد کو گرفتار کیا گیا جبکہ مزید 22 افراد کی تلاش جاری ہے۔

رپورٹس کے مطابق چھاپوں کے دوران ہتھیار، گولہ بارود اور تنظیمی دستاویزات بھی ضبط کی گئیں۔ ترک میڈیا کا کہنا ہے کہ داعش کے حامی ترکی میں غیر مسلم افراد پر حملوں کی منصوبہ بندی کر رہے تھے اور گرفتار افراد بیرونِ ملک داعش آپریٹیوز سے رابطے میں تھے۔

سکیورٹی فورسز نے دہشت گردی کے ممکنہ خطرے کو روکنے کے لیے بروقت کارروائی کی۔ ترک حکومت نے عوام کو کرسمس اور نئے سال کی تقریبات کے دوران محتاط رہنے کی ہدایت بھی جاری کی ہے۔ واضح رہے کہ ترکیے کی تقریباً 900 کلومیٹر سرحد شام سے ملتی ہے جہاں داعش کی سرگرمیاں رپورٹ ہوتی رہی ہیں۔