قطر اور سعودیہ میں بم دھماکوں کی منصوبہ بندی پر موساد کے ایجنٹ گرفتار

امریکہ کے معروف قدامت پسند مبصر ٹکر کارلسن نے اپنے تازہ پوڈ کاسٹ میں اسرائیلی وزیرِ اعظم بنجمن نیتن یاہو پر کڑی تنقید کرتے ہوئے کہا ہے کہ اسرائیل اپنے مفادات کے لیے امریکہ کے قریبی عرب اتحادیوں میں افراتفری پھیلا رہا ہے۔ انہوں نے انکشاف کیا کہ قطر اور سعودی عرب میں بم دھماکوں کی کوشش کے الزام میں موساد کے ایجنٹوں کو گرفتار کیا گیا ہے۔ کارلسن نے امریکی حکومت پر زور دیا کہ وہ اسرائیل کو واضح کرے کہ “امریکہ انچارج ہے، اسرائیل نہیں”۔ ان کا کہنا تھا کہ یہ تنقید یہود مخالفت نہیں بلکہ امریکی مستقبل اور جانوں کے تحفظ کے لیے ضروری ہے۔