ٹرمپ کا حیران کن انکشاف: “اسرائیل کا ہاتھ میں نے آگے بڑھایا”، وزیرِ خارجہ مارکو روبیو کے دعوے کی تردید

امریکی صدر ڈونلڈ ٹرمپ نے دعویٰ کیا ہے کہ ایران پر حملے کیلئے انھوں نے خود اسرائیل کا ہاتھ آگے بڑھایا، اسرائیل نے امریکا کو ایران کیخلاف جنگ میں نہیں دھکیلا۔ صدر ٹرمپ کے اس بیان سے امریکی وزیر خارجہ مارکو روبیو کے اس دعوے کی تردید ہوتی ہے کہ اسرائیل ایران پر حملہ کرنے جارہا تھا جس کے جواب میں ایران کی جانب سے امریکی بیسز اور فوجیوں کو نشانہ بنائے جانے کا خدشہ تھا اس لیے امریکا نے جنگ میں پہل کی۔ ایرانی قومی سلامتی کے سیکرٹری علی لاریجانی پہلے ہی واضح کرچکے تھے کہ ایران جنگ میں پہل کرنا نہیں چاہتا تھا اور تین سو سال کی طرح اب بھی جنگ میں پہل نہیں کی۔