ایران کی آڑ میں یہود و نصاریٰ کا اصل نشانہ ایٹمی طاقت پاکستان ہے: طاہر اشرفی
Web Desk
28 March 2026
اسلام آباد: چیئرمین پاکستان علما کونسل حافظ طاہر محمود اشرفی نے ‘استحکامِ پاکستان کانفرنس’ سے خطاب کرتے ہوئے خبردار کیا ہے کہ امریکہ اور اسرائیل خطے میں شیعہ سنی لڑائی کروا کر اپنے مذموم مقاصد حاصل کرنا چاہتے ہیں۔ انہوں نے کہا کہ ایران پر حملے دراصل ایک بڑے منصوبے کا حصہ ہیں جس کا اصل نشانہ ایٹمی طاقت پاکستان ہے۔ طاہر اشرفی نے واضح کیا کہ ایرانی مجاہدین یہود و نصاریٰ کے خلاف سیسہ پلائی دیوار بنے ہوئے ہیں اور پاکستان برادر اسلامی ملک ایران پر ہونے والے حملوں کی بھرپور مذمت کرتا ہے۔
طاہر محمود اشرفی نے سوشل میڈیا پر پھیلائی جانے والی منفی مہم کو “جھوٹ کا پلندہ” قرار دیتے ہوئے کہا کہ بھارت اور افغانستان سے آپریٹ ہونے والے اکاؤنٹس پاکستان اور ایران کے درمیان دوریاں پیدا کرنے کی کوشش کر رہے ہیں۔ انہوں نے انکشاف کیا کہ ایران پر حملے سے چند روز قبل دانستہ طور پر پاکستان اور افغانستان کے درمیان سرحدی کشیدگی پیدا کی گئی تاکہ ایران کو تنہا کیا جا سکے۔ انہوں نے مطالبہ کیا کہ جن اسلامی ممالک میں امریکہ اور اسرائیل کے فوجی اڈے موجود ہیں، انہیں فوری طور پر ختم کیا جانا چاہیے۔
کانفرنس کے دوران انہوں نے اسرائیل کے “100 سالہ منصوبے” اور بلوچستان میں ممکنہ ‘فالس فلیگ آپریشن’ کے خطرے سے بھی آگاہ کیا۔ طاہر اشرفی کا کہنا تھا کہ لبنان، فلسطین، کویت اور سعودی عرب سب ہمارے لیے اتنے ہی عزیز ہیں جتنا کہ ایران۔ انہوں نے مسجدِ اقصیٰ کی مسلسل بندش اور اسرائیلی وحشت پر عالمی خاموشی پر بھی افسوس کا اظہار کیا۔ ان کا کہنا تھا کہ پاکستان داخلی طور پر متحد ہے اور دشمن کی جانب سے کلبھوشن یادیو جیسے کرداروں کے ذریعے فرقہ وارانہ فسادات کی کوششوں کو ناکام بنا دیا جائے گا۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026