شگر کے دو نوجوانوں نے نانگا پربت سر کر کے قومی پرچم لہرا دیا
Web Desk
1 July 2026
گلگت بلتستان کے ضلع شگر سے تعلق رکھنے والے دو نوجوان کوہ پیماؤں نے کوہِ ہمالیہ کے فلک بوس پہاڑ اور دنیا کی نویں بلند ترین چوٹی ’نانگا پربت‘ کو کامیابی سے سر کر کے ملک کا نام روشن کر دیا ہے۔
تفصیلات کے مطابق، شگر کے خوبصورت گاؤں ‘ارندو باشہ’ کے رہائشی دو نوجوان کوہ پیماؤں، محبوب علی اور عباس علی نے ’14 Peaks Expeditions’ کی تجربہ کار ٹیم کے ہمراہ مہم جوئی کا آغاز کیا اور تمام تر چیلنجز کو عبور کرتے ہوئے 8,126 میٹر بلند نانگا پربت کی چوٹی پر قدم رکھ دیا۔ دونوں کوہ پیماؤں نے چوٹی پر پہنچتے ہی فخر سے پاکستان کا سبز ہلالی پرچم لہرایا۔
واضح رہے کہ نانگا پربت کو اپنی انتہائی مشکل چڑھائی، سخت ترین موسم اور برفانی تودوں کے گرنے کے خطرات کے باعث دنیا بھر میں “قاتل پہاڑ” (Killer Mountain) کے نام سے جانا جاتا ہے۔ کوہ پیمائی کی دنیا میں اس خطرناک چوٹی کو سر کرنا ایک غیر معمولی اور بہت بڑی تاریخی کامیابی تصور کیا جاتا ہے۔
اس شاندار کامیابی کی خبر پھیلتے ہی شگر، گلگت بلتستان اور ملک بھر میں خوشی کی لہر دوڑ گئی ہے۔ مختلف سیاسی، سماجی اور عوامی حلقوں کی جانب سے محبوب علی اور عباس علی کی اس جرات مندانہ کامیابی کو زبردست الفاظ میں سراہا جا رہا ہے اور انہیں مبارکباد پیش کی جا رہی ہے۔ اہل علم اور علاقہ مکینوں نے امید ظاہر کی ہے کہ دونوں ہیرو بحفاظت بیس کیمپ واپس پہنچیں گے، اور ان کا یہ کارنامہ گلگت بلتستان کے دیگر نوجوانوں کے لیے بھی ایک حوصلہ افزا مثال ثابت ہوگا۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026