LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

کراچی میں بارشیں 584 مخدوش رہائشی عمارتوں کو خالی کرانے کا فیصلہ

Web Desk

1 July 2026

شہرِ قائد کے باسیوں کو مون سون کی ممکنہ طوفانی بارشوں کے دوران کسی بھی بڑے حادثے یا نقصانات سے محفوظ رکھنے کے لیے انتظامیہ نے شہر بھر کی مخدوش اور خستہ حال عمارتوں کو فوری طور پر خالی کروانے کا حتمی فیصلہ کر لیا ہے۔

اس سلسلے میں کمشنر کراچی حسن نقوی کی زیرِ صدارت ایک اہم اور ہنگامی اجلاس منعقد ہوا، جس میں بارشوں کے دوران شہر کی انتظامی صورتحال پر قابو پانے اور انسانی جانوں کے تحفظ کے لیے کئی اہم فیصلے کیے گئے۔ اجلاس میں فیصلہ کیا گیا کہ کسی بھی ناخوشگوار واقعے سے بچنے کے لیے شہر کی انتہائی مخدوش رہائشی عمارتوں کو فی الفور خالی کرایا جائے۔

اجلاس کے دوران سندھ بلڈنگ کنٹرول اتھارٹی (SBCA) کے حکام نے کمشنر کراچی کو شہر کی خستہ حال عمارتوں کے حوالے سے تفصیلی بریفنگ دی۔ بلڈنگ کنٹرول اتھارٹی کی رپورٹ کے مطابق، کراچی بھر میں اس وقت 584 مخدوش عمارتیں موجود ہیں، جن میں سے 59 عمارتیں انتہائی مخدوش اور خطرناک حالت میں ہیں اور ان میں 29 تاریخی (Heritage) عمارتیں بھی شامل ہیں۔

کمشنر کراچی حسن نقوی نے سندھ بلڈنگ کنٹرول اتھارٹی کو سخت ہدایات جاری کیں کہ ان عمارتوں کو خالی کرانے کے لیے فوری طور پر قانونی نوٹسز جاری کیے جائیں اور مکینوں کی باقاعدہ آگاہی کے لیے ان نوٹسز کو اخبارات و دیگر ذرائع سے مشتہر بھی کیا جائے۔ انہوں نے تاکید کی کہ شہریوں کی زندگیوں کو محفوظ بنانا انتظامیہ کی اولین ترجیح ہے اور اس کے لیے ہنگامی اقدامات کی ضرورت ہے۔

بریفنگ میں انکشاف کیا گیا کہ کراچی کی مخدوش عمارتوں میں سے 90 فیصد سے زائد عمارتیں صرف ضلع جنوبی (ڈسٹرکٹ ساؤتھ) میں واقع ہیں۔ اعداد و شمار کے مطابق ضلع جنوبی  میں  442 مخدوش عمارتیں، ضلع وسطی میں 73 مخدوش عمارتیں، ضلع کیماڑی میں 28 مخدوش عمارتیں، ضلع کورنگی میں 18 مخدوش عمارتیں، ضلع شرقی میں16  مخدوش عمارتیں، ضلع ملیر میں 5 مخدوش عمارتیں اور ضلع غربی میں 2 مخدوش عمارتیں موجود ہیں

کمشنر کراچی نے ایس بی سی اے کو حکم دیا کہ وہ انتہائی خطرناک عمارتوں کی فہرست فوری طور پر تمام متعلقہ ڈپٹی کمشنرز (DCs) کو فراہم کریں۔ اجلاس میں یہ سخت فیصلہ بھی کیا گیا کہ ان عمارتوں کو ان کی مخدوش نوعیت کے لحاظ سے مرحلہ وار منہدم (Demolish) کیا جائے گا، جبکہ سرکاری نوٹسز پر عمل درآمد نہ کرنے اور عمارتیں خالی نہ کرنے کی صورت میں ان مخدوش عمارتوں کے بجلی، گیس اور پانی کے کنکشن فوری طور پر منقطع کر دیے جائیں گے۔