کمیونسٹ پارٹی آف چائنہ کا وژن چین کی ترقی و خوشحالی کی بنیاد ہے: اسحاق ڈار
Web Desk
1 July 2026
نائب وزیراعظم اور وزیر خارجہ محمد اسحاق ڈار نے چین کی کمیونسٹ پارٹی (سی پی سی) کو زبردست خراجِ تحسین پیش کرتے ہوئے کہا ہے کہ پارٹی کے بہترین وژن کے باعث ہی چینی عوام نے بے مثال ترقی اور خوشحالی حاصل کی ہے، جبکہ پاک چین اسٹریٹجک تعلقات کو مضبوط بنانے میں کمیونسٹ پارٹی کا کردار کلیدی رہا ہے۔
کمیونسٹ پارٹی آف چائنہ کی 105 ویں سالگرہ کے موقع پر منعقدہ تقریب سے خطاب کرتے ہوئے نائب وزیراعظم اسحاق ڈار نے کہا کہ چینی قیادت نے اپنی مؤثر اور طویل المیعاد معاشی پالیسیوں کے ذریعے تاریخ میں پہلی بار ریکارڈ وقت میں لاکھوں افراد کو غربت کی دلدل سے باہر نکالا، جو دنیا کے لیے ایک روشن مثال ہے۔
انہوں نے اس بات پر زور دیا کہ پاکستان اور چین کی لازوال دوستی کسی وقتی مفاد کی محتاج نہیں بلکہ یہ نسلوں پر محیط ہے۔ انہوں نے چائنا پاکستان اکنامک کوریڈور (CPEC) کا ذکر کرتے ہوئے کہا کہ سی پیک دونوں دوست ممالک کے درمیان ترقی، صنعتی تعاون اور خوشحالی کا ایک انتہائی اہم منصوبہ ہے، اور اب ‘سی پیک فیز ٹو’ کے آغاز سے پاکستان اقتصادی ترقی کے مزید نئے اور جدید مراحل طے کر رہا ہے۔
نائب وزیراعظم نے بین الاقوامی امور پر گفتگو کرتے ہوئے واضح کیا کہ پاکستان ایک امن پسند ملک ہے اور خطے میں حالیہ کشیدگی کے دوران پاکستان نے ہمیشہ مذاکرات اور ثالثی کی مخلصانہ کوششیں کی ہیں۔ انہوں نے مزید کہا کہ پاکستان اور چین نے ہمیشہ ہر عالمی فورم پر ایک دوسرے کا ساتھ دیا ہے اور دونوں ممالک نے مل کر خطے سمیت عالمی امن و استحکام کے لیے مسلسل مثبت اور تعمیری کردار ادا کیا ہے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026