شاہ محمود قریشی کی عبوری ضمانت میں توسیع

لاہور: انسدادِ دہشت گردی عدالت لاہور کے جج ارشد جاوید نے شاہ محمود قریشی کی دو مختلف مقدمات میں عبوری ضمانت کی درخواستوں پر سماعت کی۔ یہ مقدمات تھانہ گلبرگ اور جناح ہاؤس (کور کمانڈر ہاؤس) پر حملوں کے الزامات کے تحت درج کیے گئے تھے۔ سماعت کے دوران شاہ محمود قریشی کے وکیل رانا مدثر عمر ایڈووکیٹ عدالت میں پیش ہوئے، تاہم جیل حکام کی جانب سے شاہ محمود قریشی کو عدالت میں پیش نہیں کیا گیا۔

عدالت کو آگاہ کیا گیا کہ جج ارشد جاوید کا تبادلہ ہو چکا ہے، جس کی وجہ سے کیس کی باقاعدہ کارروائی آگے نہ بڑھ سکی۔ عدالت نے فریقین کے دلائل سننے کے بعد شاہ محمود قریشی کی عبوری ضمانت میں 7 مئی تک توسیع کر دی اور پراسکیوشن کو ہدایت کی کہ آئندہ سماعت پر مقدمات کا مکمل ریکارڈ پیش کیا جائے۔ یاد رہے کہ لاہور ہائیکورٹ کے حکم پر شاہ محمود قریشی کی یہ درخواستیں دوبارہ بحال کی گئی تھیں۔