لاہور کے ولینگڈن اسپتال کا ایک اور اسکینڈل، سیکیورٹی گارڈ کو ڈاکٹربنادیاگیا

لاہور کے سرکاری اسپتالوں کے حالات نہ بدل سکے۔ لیڈی ولینگڈن اسپتال میں مریضوں کی جانوں سےکھیلنے کا انکشاف ہوا ہے۔اسپتال میں لیڈی ڈاکٹرزکے سرجری کے مقابلے کے بعد ایک نیا اسکینڈل سامنے آگیا۔۔لیڈی ولینگڈن اسپتال کے سکیورٹی گارڈ کو ڈاکٹربنادیاگیا۔

لیڈی ولینگڈن اسپتال میں سیکورٹی گارڈ کی جانب سے مریض کو اسپائنل اینستھیزیا دینے کی فوٹیج نے ہلچل مچادی۔ سیکورٹی گارڈ کو مریض کو انجکشن لگاتے دیکھا جا سکتا ہے۔ ماہرین کے مطابق اسپائنل اینستھیزیا صرف تربیت یافتہ ڈاکٹر یا اینستھیٹسٹ ہی دے سکتا ہے۔

واقعہ سامنے آنے پر طبی حلقوں اور شہریوں میں تشویش کی لہردوڑ گئی۔ اسپتال میں حساس طبی عمل غیر تربیت یافتہ شخص سے کروانے پر سنگین سوالات اٹھ گئے۔ شہری حیران ہیں کہ غیرمتعلقہ شخص کو آپریشن تھیٹر تک رسائی کیسے ملی؟