سٹیٹ بینک نے پاکستان فنانشل انکلوژن انڈیکس 2025 کے نتائج جاری

اسٹیٹ بینک آف پاکستان (SBP) نے ‘پاکستان فنانشل انکلوژن انڈیکس (P-FII) 2025’ کے نتائج باضابطہ طور پر جاری کر دیے ہیں، جن کے مطابق ملک میں مالیاتی شمولیت کا انڈیکس بڑھ کر 59.5 کی سطح پر پہنچ گیا ہے۔ سال 2024ء میں یہ انڈیکس 58.1 پر ریکارڈ کیا گیا تھا۔

مرکزی بینک کے مطابق ملک بھر میں بینکاری نظام تک رسائی اور ڈیجیٹل مالیاتی سہولیات کے فروغ کے باعث انڈیکس میں واضح بہتری درج کی گئی ہے۔ رپورٹ میں بتایا گیا ہے کہ ڈیجیٹل بینکوں کے قائم ہونے، ’راست‘ (Raast) انسٹنٹ پیمنٹ سسٹم کے تحت مرچنٹ آن بورڈنگ میں اضافے اور عوام میں مالیاتی شعور بیدار کرنے کی پالیسیوں نے شہریوں کی فارمل فنانشل سسٹم تک رسائی آسان بنائی ہے۔ اسٹیٹ بینک حکام کا کہنا ہے کہ سال 2030ء کے اہداف کے مطابق ملک میں مالیاتی خدمات کے دائرہ کار کو مزید وسعت دینے کے لیے اقدامات جاری رہیں گے۔