خانیوال میں قبرستان میں فائرنگ اور چاقوؤں کے وار، ایک شخص جاں بحق، 5 زخمی
Web Desk
26 June 2026
تھانہ سرائے سدھو کے علاقے اولکھ سندھو قبرستان میں دیرینہ عداوت اور بچوں کے جھگڑے پر فائرنگ اور چاقوؤں و خنجروں کے حملے کے نتیجے میں ایک شخص جاں بحق جبکہ پانچ افراد زخمی ہوگئے۔ پولیس کے مطابق جاں بحق ہونے والے شخص کی شناخت حق نواز کے نام سے ہوئی ہے، جبکہ زخمیوں میں خضر حیات، ثمر عباس اور اظہر عباس شامل ہیں، جو آپس میں سگے بھائی ہیں۔ دیگر دو زخمیوں کی شناخت اور ان کی حالت کے حوالے سے معلومات اکٹھی کی جا رہی ہیں۔ ابتدائی تحقیقات کے مطابق، جاں بحق اور زخمی ہونے والے افراد اپنے پیاروں کی قبروں پر فاتحہ خوانی کے لیے قبرستان آئے تھے کہ اسی دوران وہاں پہلے سے گھات لگائے مخالفین نے ان پر اندھا دھند فائرنگ کر دی اور چاقوؤں و خنجروں سے حملہ کر دیا۔
پولیس کا کہنا ہے کہ چند روز قبل مقتول اور زخمی افراد کے بچوں کی رانا برادری کے بچوں کے ساتھ کرکٹ کھیلنے کے دوران تلخ کلامی ہوئی تھی، جسے اس خونی واقعے کی ممکنہ وجہ قرار دے کر مختلف پہلوؤں سے تحقیقات کی جا رہی ہیں۔ واقعے کی اطلاع ملتے ہی تھانہ سرائے سدھو پولیس کی بھاری نفری موقع پر پہنچ گئی اور لاش و زخمیوں کو تحصیل ہیڈکوارٹرز (THQ) ہسپتال کبیروالا منتقل کر دیا۔ دوسری جانب، واقعے کے بعد مقتول کے ورثا اور اہل علاقہ نے شدید احتجاج کرتے ہوئے جھنگ روڈ کو ہر قسم کی ٹریفک کے لیے بلاک کر دیا۔ تاہم، پولیس حکام کی جانب سے ملزمان کی چوبیس گھنٹے کے اندر گرفتاری کی یقین دہانی پر مظاہرین نے پرامن طور پر احتجاج ختم کر دیا، جس کے بعد سڑک ٹریفک کے لیے کھول دی گئی۔ پولیس نے واقعے کا مقدمہ درج کر کے مفرور ملزمان کی گرفتاری کے لیے چھاپے مارنے شروع کر دیے ہیں اور معاملے کی مزید تفتیش جاری ہے۔
متعلقہ عنوانات
راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا
19 November 2026
معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ
19 November 2026
لاہور کو 2027 کیلئے ای سی او ٹورازم کیپیٹل کا اعزاز مل گیا
19 November 2026
میرے بھتیجے کو ناحق 60 سال سزا دی گئی، مہربانی کی جائے: شیخ رشید
19 November 2026
خیبرپختونخوا میں سکیورٹی فورسز کی کارروائیاں، فتنہ الخوارج کے 22 دہشتگرد ہلاک
19 November 2026
پاکستان اور مالدیپ کا تجارت کے فروغ کیلئے مشترکہ ورکنگ گروپ قائم کرنے پر اتفاق
19 November 2026
پاکستان شنگھائی تعاون تنظیم کے تہذیبی مکالمے میں شرکت کرے گا: دفتر خارجہ
19 November 2026
بھارت کا پانی کو بطور ہتھیار استعمال کرنا عالمی قانون کی خلاف ورزی ہے: پاکستان
19 November 2026