روس نے ایران کو پابندیوں سے بچانے کےلیے 2.5ارب ڈالرفراہم کیے، برطانوی اخبار

روس نے ایران کو امریکا کی جانب سے پابندیوں سے بچانےکے لیے 2018 تقریباً 2.5 ارب ڈالر نقدمنتقل کیے۔ برطانوی اخبار ’دی ٹیلی گراف ‘ نے بڑا دعویٰ کردیا۔ اخبار کی رپورٹ کے مطابق روس نے رقوم روسی سرکاری بینک پرومسویاز بینک کے ذریعے تہران کے مرکزی بینک تک پہنچائیں۔دستاویزات کے مطابق یہ رقم اُس وقت بھیجی گئی جب امریکی صدر ڈونلڈ ٹرمپ نے ایران پر سخت پابندیاں عائد کی تھیں۔ مجموعی طورپر 37ترسیلات کےذریعے رقوم بھیجی گئیں جن میں سے ہر کھیپ کی مالیت 57 سے 115 ملین ڈالر کے درمیان تھی اور زیادہ تر نوٹ یورپی کرنسی کے بڑے مالیت والے کرنسی نوٹس پر مشتمل تھے۔

برطانوی اخبارکاکہناہےکہ یہ ادائیگیاں روس اور ایران کے درمیان پہلے سے زیادہ گہرے تعلقات کی عکاس ہیں اور ممکنہ طور پر اسلحہ یا فوجی سازوسامان کے بدلے کی گئی ہوں۔ اس حوالے سے سابق امریکی حکام نے خدشہ ظاہر کیا ہے کہ ایسی ترسیلات آج بھی جاری ہوسکتی ہیں، خاص طور پر جب ایران یوکرین جنگ میں روس کو ڈرون اور میزائل فراہم کر رہا ہے۔