بھارت نے تیل کی خریداری روکنے کی اطلاع نہیں دی، روس

روس نےکہاہے کہ اسے بھارت کی جانب سے روسی تیل کی خریداری روکنے کے حوالے سے باضابطہ اطلاع موصول نہیں ہوئی۔

ماسکو میں روسی حکومت کے ترجمان دمتری پیسکوف نے صحافیوں کو بتایا کہ ابھی تک ہمیں اس معاملے پر نئی دہلی کی جانب سے کوئی بیان موصول نہیں ہوا۔

روسی صدر ولادیمیر پیوٹن نے 2025 کے اواخر میں بھارت کے دورے کے دوران بھارت کو تیل کی بلاتعطل فراہمی  کا وعدہ کیا تھا۔

واضح رہے کہ امریکی صدر ڈونلڈ ٹرمپ نے بھارت کے ساتھ تجارتی معاہدے کا اعلان کرتے ہوئے یہ دعویٰ کیا تھا کہ بھارتی وزیرِ اعظم نریندر مودی نے روس سے تیل نہ خریدنے کا وعدہ کیا ہے۔

فروری 2022 میں روس کے یوکرین پرحملے کے بعد مغربی پابندیوں کے باعث روسی تیل رعایتی نرخوں پر فروخت کیا جا رہا ہے جس کے بعدبھارت کی جانب سے روسی تیل کی درآمدات میں نمایاں اضافہ ہوا۔