آبی مسئلے سمیت پاک بھارت کشیدگی کے دیگر پہلوؤں پر بھی تشویش ہے، ماریہ زخارووا

روسی وزارتِ خارجہ کی ترجمان ماریہ زخارووا نے کہا ہے کہ ماسکو کو اپنے دو قریبی اور دوست ممالک پاکستان اور بھارت کے درمیان طویل عرصے سے معلق آبی تنازع سمیت دیگر تمام دوشاخہ کشیدگیوں پر شدید تشویش ہے۔ جمہوریہ کومی کے دارالحکومت سیکتیوکار میں اپنی ہفتہ وار پریس بریفنگ کے دوران میڈیا نمائندگان کے سوالات کے جواب دیتے ہوئے ماریہ زخارووا نے وضاحت کی کہ روس تمام تر علاقائی و دوطرفہ تنازعات کے حل کے لیے باہمی احترام، برابری اور سفارتی مذاکرات کا حامی ہے اور چاہتا ہے کہ دونوں پڑوسی ممالک ایک دوسرے کے قانونی مفادات کو یکساں طور پر مدنظر رکھتے ہوئے مسائل کو حل کریں۔

دنیا نیوز کے نمائندے شاہد گھمن کے سندھ طاس معاہدے سے متعلق سوال کے جواب میں ماریہ زخارووا نے زور دیا کہ آبی مسائل کی عدم حل شدگی خطے کے استحکام کے لیے خطرہ ہے۔ اسی طرح پاکستان کی جانب سے 2026-2027 کے لیے شنگھائی تعاون تنظیم (SCO) کی صدارت سنبھالنے پر انہوں نے اسلام آباد کے لیے نیک خواہشات کا اظہار کیا۔ انہوں نے کہا کہ روس ایس سی او کے دائرہ کار میں پاکستان کے ساتھ سیاسی، اقتصادی اور سیکیورٹی شعبوں میں تعاؤن کو مزید مستحکم کرے گا اور صدر ولادیمیر پوتن بھی اس صدارتی دور میں پاکستان کو مکمل اور عملی معاونت کی فراہمی کا اعادہ کر چکے ہیں۔