کسی سیاسی جماعت کو قومی اداروں کی تضحیک نہیں کرنی چاہئے: راجہ پرویز اشرف

پاکستان پیپلز پارٹی کے سینئر رہنما اور سابق وزیراعظم راجہ پرویز اشرف نے کہا ہے کہ کسی بھی سیاسی جماعت کو اپنے سیاسی مقاصد کے لیے قومی اداروں کی تضحیک یا توہین کرنے سے گریز کرنا چاہیے، جبکہ مولانا فضل الرحمان کے بعض الفاظ سے لوگوں کی دل آزاری ہوئی ہے۔

میڈیا سے گفتگو کرتے ہوئے راجہ پرویز اشرف کا کہنا تھا کہ سیاست میں اختلافِ رائے کا حق ہر جماعت کو حاصل ہے، تاہم اختلاف کرتے ہوئے اخلاقی حدود کا خیال رکھنا اور قومی اداروں کا احترام کرنا ہر پاکستانی کی ذمہ داری ہے۔ خیبر پختونخوا کی موجودہ صورتحال پر بات کرتے ہوئے انہوں نے کہا کہ صوبے میں حالات اس نہج پر پہنچ چکے تھے جہاں آئینی و انتظامی بحران کے پیشِ نظر گورنر راج کے نفاذ کے سوا کوئی دوسرا راستہ دکھائی نہیں دے رہا تھا۔

سابق وزیراعظم نے مزید کہا کہ پاکستان تحریک انصاف (پی ٹی آئی) کو چاہیے کہ وہ ایسا ذمہ دار سیاسی اور انتظامی ماحول پیدا کرے کہ صوبے میں دوبارہ کبھی گورنر راج کی ضرورت ہی پیش نہ آئے۔