پنجاب بھر میں 25سے 30 مارچ تک بارشوں اور ژالہ باری کا امکان ، پی ڈی ایم اے کا الرٹ جاری
Web Desk
23 March 2026
پنجاب ڈیزاسٹر مینجمنٹ اتھارٹی نے صوبے کے بیشتر اضلاع میں بارشوں سے متعلق الرٹ جاری کر دیا ہے۔ اعلامیے کے مطابق 25 مارچ سے 26 مارچ کی صبح تک پنجاب کے مختلف علاقوں میں بارش متوقع ہے، جبکہ 28 سے 30 مارچ کے دوران تیز ہواؤں اور گرج چمک کے ساتھ مزید بارشوں کا امکان ظاہر کیا گیا ہے۔
پی ڈی ایم اے کے مطابق راولپنڈی، مری، گلیات، اٹک، جہلم، چکوال، تلہ گنگ اور گجرانوالہ سمیت دیگر اضلاع میں بارش کی پیشگوئی کی گئی ہے۔ اس کے علاوہ حافظ آباد، وزیر آباد، سرگودھا، میانوالی، شیخوپورہ، گجرات، خوشاب، منڈی بہاؤالدین، لاہور، سیالکوٹ، نارووال، فیصل آباد، جھنگ اور چنیوٹ بھی بارش سے متاثر ہو سکتے ہیں۔
جنوبی پنجاب کے علاقوں بھکر، لیہ، ڈیرہ غازی خان، ملتان، کوٹ ادو، بہاولپور، بہاولنگر اور رحیم یار خان میں بھی بارش کی توقع ظاہر کی گئی ہے۔ پی ڈی ایم اے کا کہنا ہے کہ آئندہ دنوں میں بالائی علاقوں میں ژالہ باری کا بھی امکان ہے۔
ڈی جی پی ڈی ایم اے عرفان علی کاٹھیا نے کسانوں کو ہدایت کی ہے کہ وہ موسمی صورتحال کو مدنظر رکھتے ہوئے پیشگی اقدامات یقینی بنائیں، جبکہ سیاحوں کو شمالی علاقہ جات کے سفر کے دوران احتیاطی تدابیر اختیار کرنے کی تاکید کی گئی ہے۔
شہریوں کو ہدایت کی گئی ہے کہ کسی بھی ہنگامی صورتحال میں پی ڈی ایم اے کی ہیلپ لائن 1129 پر فوری رابطہ کریں۔
متعلقہ عنوانات
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026