پنجاب اسمبلی سیکرٹریٹ نے 31 اگست کے اجلاس کا ایجنڈا جاری کر دیا
Web Desk
29 August 2026
لاہور: پنجاب اسمبلی سیکرٹریٹ نے 31 اگست بروز پیر دوپہر 2 بجے منعقد ہونے والے ایوان کے اجلاس کا تفصیلی ایجنڈا جاری کر دیا ہے۔ اجلاس کی صدارت اسپیکر پنجاب اسمبلی ملک محمد احمد خان کریں گے، جبکہ کارروائی کا باقاعدہ آغاز تلاوتِ قرآنِ پاک، نعتِ رسولِ مقبول ﷺ اور قومی ترانے سے ہو گا۔
اجلاس کے دوران ہاؤسنگ، اربن ڈویلپمنٹ اور پبلک ہیلتھ انجینئرنگ سے متعلق ارکانِ اسمبلی کے سوالات کے جوابات متعلقہ محکموں کی جانب سے دیے جائیں گے۔ اس کے علاوہ ایجنڈے میں شامل توجہ دلاؤ نوٹسز اور مختلف محکموں سے متعلق التوا کی تحریکیں (Adjournment Motions) بھی ایوان میں پیش اور زیرِ بحث لائی جائیں گی۔ اجلاس میں راوی اربن ڈویلپمنٹ اتھارٹی (RUDA) اور لاہور سینٹرل بزنس ڈسٹرکٹ ڈویلپمنٹ اتھارٹی (CBDDA) کی مالی سال 2022-23ء کی سالانہ رپورٹس، نیز پنجاب دانش اسکولز اور پنجاب کریکولم اینڈ ٹیکسٹ بک بورڈ کی مختلف سالوں کی رپورٹس پیش کی جائیں گی۔
ایجنڈے کے مطابق قائمہ کمیٹیوں کی سفارشات کی روشنی میں پانچ اہم قانون سازی کے بلز منظوری کے لیے ایوان میں پیش کیے جائیں گے۔ ان میں پنجاب سینٹر آف ایکسیلنس آن کاؤنٹرنگ وائلنٹ ایکسٹریمزم (ترمیمی) بل 2026ء، پنجاب جوڈیشل اکیڈمی (ترمیمی) بل 2026ء، پنجاب فوڈ سیفٹی لاز (ترمیمی) بل 2026ء، انسدادِ دہشت گردی (پنجاب ترمیمی) بل 2026ء اور پنجاب اثاثہ جات مینجمنٹ اتھارٹی بل 2026ء شامل ہیں۔
متعلقہ عنوانات
پنجاب حکومت نے اینٹی ریپ ایکٹ لانے اور خصوصی عدالتیں قائم کرنے کا فیصلہ کر لیا، عظمیٰ بخاری
16 November 2026
سالک حسین کا مریم نواز کو قانونی جواب، 2 نوٹس بھی بھجوا دیے
16 November 2026
بانی پی ٹی آئی کا چیف جسٹس سپریم کورٹ، چیف جسٹس وفاقی آئینی عدالت اور چیف جسٹس اسلام آباد ہائیکورٹ کے نام اڈیالہ جیل سے کھلا خط
16 November 2026
اسلام آباد ہائی کورٹ میں پیش ہونے والے وکلاء کے لیے گاؤن پہننا لازمی قرار
16 November 2026
بشریٰ بی بی کو علاج کے لیے ہسپتال منتقل کرنے کی درخواست اسلام آباد ہائیکورٹ میں دائر؛ مکمل طبی ریکارڈ طلب
16 November 2026
کے پی میں 3 ایم پی او حراست اور گورنر راج کیس؛وفاقی آئینی عدالت میں فریق بننے کے لیے متفرق درخواستیں دائر کر دیں
16 November 2026
پشاور ہائیکورٹ کو ایمرجنسی اور ایم پی او کے علاوہ آرٹیکل 199 کے دیگر مقدمات سننے کی اجازت مل گئی
16 November 2026
کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار
16 November 2026