صدر اور وزیراعظم کی یوم پاکستان پر پوری قوم کو دلی مبارک باد
Web Desk
23 March 2026
اسلام آباد: صدرِ پاکستان آصف علی زرداری اور وزیراعظم محمد شہباز شریف نے یومِ پاکستان کے تاریخی موقع پر پوری قوم کو دلی مبارکباد پیش کرتے ہوئے اس عزم کا اعادہ کیا ہے کہ ملکی سالمیت اور امن پر کسی صورت آنچ نہیں آنے دی جائے گی۔ صدر آصف علی زرداری نے اپنے پیغام میں 23 مارچ 1940ء کی اہمیت کو اجاگر کرتے ہوئے کہا کہ یہ دن ہمیں اپنے بزرگوں کی ان قربانیوں کی یاد دلاتا ہے جن کے نتیجے میں برصغیر کے مسلمانوں کو ایک آزاد وطن نصیب ہوا۔
صدر مملکت نے ملکی دفاعی صلاحیتوں کا ذکر کرتے ہوئے کہا کہ پاکستان نے اپنی دفاعی اور جوہری صلاحیت کو ناقابلِ تسخیر بنایا ہے۔ انہوں نے گزشتہ برس مئی میں ‘معرکہ حق’ کے دوران دشمن کی جارحیت کے منہ توڑ جواب اور حالیہ ‘آپریشن غضب للحق’ کے نتائج کو سراہتے ہوئے واضح کیا کہ افغان سرزمین کو پاکستان کے خلاف استعمال کرنے والے ‘فتنہ الخوارج’ اور دیگر گروہوں کو کسی صورت رعایت نہیں دی جائے گی۔ انہوں نے ہمسایہ ملک میں مسلط غیر قانونی ٹولے کو سخت پیغام دیتے ہوئے کہا کہ پاکستان اپنی سرحدوں کے تحفظ کے لیے ہر حد تک جائے گا۔
وزیراعظم شہباز شریف نے اپنے پیغام میں کہا کہ پاکستانی قوم نے ہر آزمائش میں غیر معمولی ہمت کا مظاہرہ کیا ہے۔ انہوں نے ‘آپریشن غضب للحق’ کو دہشت گردی کے خلاف قومی عزم کی علامت قرار دیتے ہوئے کہا کہ سرحدوں پر بلا اشتعال جارحیت کا جواب عسکری تاریخ کے سنہرے باب کی صورت میں دیا گیا ہے۔ وزیراعظم نے مزید کہا کہ معاشی چیلنجز کے باوجود حکومت ملک کو پائیدار ترقی کی راہ پر گامزن کر چکی ہے اور مسلح افواج نے ازلی دشمن کو مؤثر جواب دے کر ثابت کیا ہے کہ پاکستان کا دفاع مضبوط ہاتھوں میں ہے۔
متعلقہ عنوانات
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026