پیپلز پارٹی نے انتخابی اصلاحات کی پارلیمانی کمیٹی کے لیے پانچ نام فائنل کر لیے

پاکستان پیپلز پارٹی نے انتخابی اصلاحات کے لیے قائم کی جانے والی پارلیمانی کمیٹی میں اپنی نمائندگی کے لیے پانچ ارکان کے ناموں کی منظوری دے دی ہے۔ پارٹی ذرائع کے مطابق اعجاز جاکھرانی کمیٹی میں پی پی پی کے وفد کی قیادت کریں گے جبکہ دیگر ارکان میں سینئر رہنما شیری رحمان، فاروق ایچ نائیک، ضمیر گھومرو اور شہادت اعوان شامل ہیں۔ ذرائع کا مزید کہنا ہے کہ مجوزہ پارلیمانی کمیٹی میں پیپلز پارٹی کے 5، مسلم لیگ (ن) کے 9 اور متحدہ قومی موومنٹ (ایم کیو ایم) کا 1 رکن شامل ہوگا، جو ملک میں شفاف اور جامع انتخابی اصلاحات کی تدوین پر کام کریں گے۔