امریکا سال کے آخر میں اسرائیل کی مالی امداد بند کر دے گا: ٹرمپ

امریکی صدر ڈونلڈ ٹرمپ نے اعلان کیا ہے کہ امریکا رواں سال کے اختتام کے بعد اسرائیل کو مزید مالی امداد فراہم نہیں کرے گا کیونکہ اب اسرائیل کو امریکی مالی معاونت کی ضرورت نہیں رہی۔ فاکس نیوز کو دیے گئے انٹرویو میں صدر ٹرمپ نے بتایا کہ اس فیصلے سے متعلق اسرائیلی وزیراعظم بن یامین نیتن یاہو کے ساتھ باقاعدہ معاہدہ طے پا چکا ہے۔ انہوں نے دعویٰ کیا کہ آج امریکا دنیا کا مقبول اور محترم ملک بن چکا ہے اور ‘امریکا کو دوبارہ عظیم بنانے’ کا مقصد پورا ہو رہا ہے۔ امریکی ووٹرز کو پیغام دیتے ہوئے انہوں نے زور دیا کہ ملک کی بقا اور معاشی پائیداری کو برقرار رکھنے کے لیے آنے والے انتخابات میں ریپبلکن پارٹی کو کامیاب بنایا جائے۔