امریکاوایران کی رضامندی سےمذاکرات کی میزبانی کیلیے تیارہیں،،وزیراعظم شہبازشریف

امریکا اور ایران کی رضامندی سے پاکستان مذاکرات کی میزبانی کے لیے تیار ہے،وزیراعظم شہبازشریف کا اہم اعلان۔ سوشل میڈیاپرپیغام میں وزیراعظم نے کہاکہ پاکستان مشرقِ وسطیٰ میں بحران کے خاتمے کےلیے بامقصدبات چیت کی میزبانی کےلیے تیار ہے اوراسے اپنے لیے اعزاز سمجھتاہے۔

وزیراعظم شہبازشریف کاکہناتھاکہ مشرقِ وسطیٰ میں جاری جنگ کا خاتمہ ناگزیر ہے،پاکستان قیامِ امن کے لیے مذاکراتی عمل کی مکمل حمایت کرتا ہے۔عالمی امن کی خاطر فریقین کے درمیان بات چیت کے عمل کا خیرمقدم کرتے ہیں۔

وزیراعظم شہبازشریف نے کہاکہ پاکستان بامقصد مذاکرات کے ذریعے تنازع کا مستقل حل چاہتا ہے۔۔اورامن و استحکام کے لیے ہر ممکن تعاون فراہم کرنے کے لیے پرعزم ہے۔

گزشتہ روز وزیراعظم شہباز شریف اور ایرانی صدر مسعود پزشکیان کی ٹیلیفونک گفتگو میں خطے میں قیام امن کیلئے پاکستان کا تعمیری کردار جاری رکھنے پر اتفاق کیاگیاتھا۔ساتھ ہی مختلف میڈیا پلیٹ فارمز پر رپورٹ ہوا کہ امریکا کے نائب صدر جے ڈی وینس، وٹکوف اور جیرڈ کشنر ممکنہ طور پر اگلے ہفتے اسلام آباد میں ایران کے ہونے والے مذاکرات کی نمائندگی کریں گے۔