پٹرولیم مصنوعات کی قیمتوں میں 16 فروری سے اضافے کا امکان

16 فروری سے پٹرولیم مصنوعات کی قیمتوں میں اضافے کا امکان ظاہر کیا جا رہا ہے۔

انڈسٹری ذرائع کے مطابق پٹرول کی قیمت میں 4 روپے 39 پیسے فی لیٹر تک اضافہ ہو سکتا ہے۔ اسی طرح ہائی اسپیڈ ڈیزل 5 روپے 40 پیسے فی لیٹر مہنگا ہونے کا امکان ہے، جبکہ لائٹ ڈیزل آئل کی قیمت میں 6 روپے 55 پیسے فی لیٹر تک اضافہ متوقع ہے۔ذرائع کا کہنا ہے کہ مٹی کے تیل کی قیمت میں بھی 4 روپے فی لیٹر تک اضافہ ہو سکتا ہے۔آئل اینڈ گیس ریگولیٹری اتھارٹی کل حتمی سمری وزارتِ پٹرولیم کو ارسال کرے گی، جس کے بعد قیمتوں میں ردوبدل سے متعلق فیصلہ کیا جائے گا۔پٹرولیم مصنوعات کی قیمتوں کے تعین کا حتمی فیصلہ وزارتِ خزانہ اور متعلقہ حکام وزیرِاعظم سے مشاورت کے بعد کریں گے۔