حکومت نے پیٹرول 137 روپے ،ڈیزل 184 روپے فی لیٹر مہنگا کر دیا

وفاقی حکومت نے پیٹرولیم مصنوعات کی قیمتوں میں نمایاں اضافے کا اعلان کر دیا ہے، جس کے تحت پیٹرول اور ڈیزل دونوں کی قیمتوں میں بھاری اضافہ کیا گیا ہے۔

اعلامیے کے مطابق پیٹرول کی قیمت میں 137 روپے 23 پیسے فی لیٹر اضافہ کیا گیا ہے جس کے بعد نئی قیمت 458 روپے 40 پیسے فی لیٹر مقرر کر دی گئی ہے۔ اسی طرح ڈیزل کی قیمت میں 184 روپے 49 پیسے فی لیٹر اضافہ کیا گیا ہے اور نئی قیمت 520 روپے 35 پیسے فی لیٹر مقرر کی گئی ہے۔

حکومت کے مطابق نئی قیمتوں کا اطلاق آج رات 12 بجے سے ہوگا۔

دوسری جانب حکومت نے عوام کو جزوی ریلیف دینے کیلئے موٹر سائیکل استعمال کرنے والوں کے لیے خصوصی سبسڈی دینے کا بھی فیصلہ کیا ہے، جس کے تحت آئندہ تین ماہ تک موٹر سائیکل سواروں کو ماہانہ 20 لیٹر پیٹرول 100 روپے فی لیٹر کم قیمت پر فراہم کیا جائے گا۔