LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن سٹاک مارکیٹ میں تیزی، کاروبار کا مثبت رجحان رہا بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر

این ڈی ایم اے کا آج سے 10 اپریل تک بارشوں، آندھی اور ژالہ باری کا الرٹ جاری

Web Desk

5 April 2026

نیشنل ڈیزاسٹر مینجمنٹ اتھارٹی کے نیشنل ایمرجنسیز آپریشن سینٹر کی جانب سے 6 سے 10 اپریل کے دوران ملک کے مختلف علاقوں میں بارش، آندھی اور ژالہ باری کا الرٹ جاری کر دیا گیا ہے۔

الرٹ کے مطابق اسلام آباد اور پنجاب کے بالائی و وسطی اضلاع میں 6 سے 9 اپریل کے دوران گرج چمک کے ساتھ بارش اور تیز ہواؤں کا امکان ہے، جبکہ چند مقامات پر ژالہ باری بھی متوقع ہے۔ راولپنڈی، اٹک، چکوال، جہلم، میانوالی، سرگودھا، گجرات، گوجرانوالہ، فیصل آباد اور لاہور میں موسمی اثرات دیکھے جا سکتے ہیں۔

جنوبی پنجاب کے بیشتر علاقوں میں موسم خشک رہنے کا امکان ہے، تاہم 7 اور 8 اپریل کو چند مقامات پر ہلکی بارش اور آندھی متوقع ہے۔

بلوچستان کے شمالی و مغربی اضلاع، بشمول کوئٹہ، ژوب، زیارت، قلات اور تربت میں 6 سے 9 اپریل کے دوران بارش اور تیز ہوائیں متوقع ہیں، جبکہ ساحلی علاقوں خصوصاً گوادر میں کہیں کہیں بارش ہو سکتی ہے۔

سندھ کے بالائی و وسطی علاقوں میں 7 اور 8 اپریل کو بارش اور آندھی کا امکان ہے، جبکہ کراچی، حیدرآباد، سکھر، خیرپور، عمرکوٹ، مٹھی اور بدین میں بھی تیز ہواؤں کے ساتھ بارش متوقع ہے۔

خیبرپختونخوا کے بیشتر اضلاع میں 6 سے 10 اپریل کے دوران بارشوں کا سلسلہ جاری رہنے کا امکان ہے، جبکہ 7 سے 9 اپریل کے دوران شدت بڑھ سکتی ہے۔ چترال، سوات، مانسہرہ، ایبٹ آباد اور پشاور سمیت مختلف علاقوں میں گرج چمک کے ساتھ بارش متوقع ہے۔

گلگت بلتستان اور آزاد کشمیر میں بھی بارش اور ژالہ باری کے ساتھ بالائی علاقوں میں برفباری کا امکان ظاہر کیا گیا ہے۔

این ڈی ایم اے نے خبردار کیا ہے کہ تیز ہواؤں، ژالہ باری اور آسمانی بجلی کے باعث کمزور عمارتوں، درختوں اور بجلی کی تنصیبات کو نقصان پہنچ سکتا ہے، جبکہ پہاڑی علاقوں میں لینڈ سلائیڈنگ اور ٹریفک کی روانی متاثر ہونے کا خدشہ ہے۔

عوام کو ہدایت کی گئی ہے کہ غیر ضروری سفر سے گریز کریں، احتیاطی تدابیر اپنائیں اور بروقت معلومات کے لیے متعلقہ ذرائع سے رجوع کریں۔