ورلڈکپ صورتحال: بھارت سے شکست کے بعد پاکستان کیلئے نمیبیا کا میچ فیصلہ کن ہوگیا

 آئی سی سی ٹی ٹوئنٹی ورلڈکپ 2026 میں بھارت کے خلاف بھاری شکست نے پاکستان کی سپر ایٹ مرحلے تک رسائی کی امیدوں کو خطرے میں ڈال دیا ہے۔ قومی ٹیم کو اب اگلے مرحلے میں جانے کے لیے نمیبیا کے خلاف اپنا آخری گروپ میچ لازمی جیتنا ہوگا۔

بھارت گروپ اے سے سپر ایٹ مرحلے میں کوالیفائی کرچکا ہے جبکہ پاکستان کے نیٹ رن ریٹ میں نمایاں کمی واقع ہوئی ہے۔ 61 رنز کی شکست کے بعد پاکستان کا نیٹ رن ریٹ مثبت 0.932 سے کم ہوکر منفی 0.403 ہوگیا ہے۔

پوائنٹس ٹیبل پر امریکا 4 پوائنٹس اور 0.788 کے بہتر رن ریٹ کے ساتھ پاکستان سے آگے موجود ہے، جس سے قومی ٹیم کی پوزیشن مزید کمزور ہوگئی ہے۔

پاکستان اور نمیبیا کے درمیان اہم مقابلہ 18 فروری کو کھیلا جائے گا۔ اگر قومی ٹیم کامیابی حاصل کرنے میں ناکام رہی تو سپر ایٹ مرحلے کی دوڑ سے باہر ہوسکتی ہے۔