پاکستان سٹاک مارکیٹ میں کاروبار کے دوران منفی رجحان برقرار

پاکستان سٹاک ایکسچینج میں کاروباری ہفتے کے دوسرے روز بھی شدید مندی کا رجحان برقرار ہے اور انڈیکس میں بڑی گراوٹ دیکھی گئی ہے۔ کاروبار کے آغاز پر ہی فروخت کے دباؤ کے باعث ہنڈرڈ انڈیکس میں 1000 سے زائد پوائنٹس کی کمی واقع ہوئی، جس کے بعد انڈیکس ایک لاکھ 68 ہزار 171 پوائنٹس کی سطح پر پہنچ گیا ہے۔ واضح رہے کہ گزشتہ روز بھی مارکیٹ شدید دباؤ کا شکار رہی تھی اور کاروباری اختتام پر 1174 پوائنٹس کی کمی کے ساتھ انڈیکس ایک لاکھ 69 ہزار 497 کی سطح پر بند ہوا تھا۔ سرمایہ کاروں کی جانب سے حصص کی فروخت کے باعث مارکیٹ میں گراوٹ کا یہ سلسلہ دوسرے روز بھی تسلسل کے ساتھ جاری ہے۔