پاکستان سٹاک مارکیٹ میں 400 سے زائد پوائنٹس کا اضافہ

کاروباری ہفتے کے تیسرے روز پاکستان اسٹاک ایکسچینج (PSX) میں ٹریڈنگ کا آغاز انتہائی مثبت زون سے ہوا ہے، جہاں سرمایہ کاروں کی خریداری کے رجحان کے باعث مارکیٹ میں تیزی دیکھی گئی ہے۔

کاروبار کے آغاز پر ہی پاکستان اسٹاک ایکسچینج کا 100 انڈیکس 441 پوائنٹس کے اضافے کے ساتھ 1 لاکھ 70 ہزار پوائنٹس کی اہم حد پر پہنچ گیا ہے۔ واضح رہے کہ گزشتہ روز کاروباری سیشن کے دوران اسٹاک ایکسچینج میں اچانک شدید مندی چھا گئی تھی جو اختتام تک برقرار رہی تھی، جس کے نتیجے میں 100 انڈیکس 825 پوائنٹس کی نمایاں کمی کے بعد 1 لاکھ 69 ہزار 600 پوائنٹس کی سطح پر بند ہوا تھا، تاہم آج کے آغاز نے مارکیٹ میں ایک بار پھر مثبت رجحان بحال کر دیا ہے۔