آبنائے ہرمز : پاکستانی پرچم بردار مزید20 جہازوں کوگزرنےکی اجازت مل گئی، یہ امن کی جانب اہم قدم ہے: اسحاق ڈار

نائب وزیراعظم اور وزیر خارجہ اسحاق ڈار نے کہا ہے کہ ایران نے آبنائے ہرمز سے پاکستانی پرچم بردار مزید 20 جہازوں کو گزرنے کی اجازت دی ہے۔ ان کے مطابق، روزانہ دو جہاز اس آبی گذرگاہ سے عبور کریں گے۔

اسحاق ڈار نے امریکی نائب صدر جے ڈی وینس، امریکی وزیر خارجہ مارکو روبیو، امریکی نمائندہ خصوصی اسٹیو ووٹکوف اور ایرانی وزیر خارجہ عباس عراقچی کو ٹیگ کرتے ہوئے کہا کہ ایران کا یہ اقدام خوش آئند اور تعمیری ہے اور اس کی قدر کی جانی چاہیے۔

انہوں نے کہا کہ یہ پیشرفت خطے میں امن اور استحکام کے فروغ کی نشانی ہے اور یہ مثبت اعلان مشترکہ کوششوں کو مضبوط کرے گا۔ اسحاق ڈار نے مزید کہا کہ مذاکرات اور اعتماد سازی کے ذریعے ہی پائیدار حل ممکن ہیں۔