نوروز امن، امید اور روشنی کا پیغام لے کر آئے گا: صدرِ مملکت

صدرِ پاکستان نے نوروز کے موقع پر قوم اور خطے کے عوام کو پیغام دیتے ہوئے کہا ہے کہ نوروز بہار، تجدید اور روشنی کی فتح کی علامت ہے۔

صدرِ مملکت نے کہا کہ پاکستان میں ثقافتی اور مذہبی تنوع ہماری قومی طاقت ہے اور ہماری دعائیں ان لوگوں کے ساتھ ہیں جو مشکل حالات میں نوروز منا رہے ہیں۔انہوں نے جنگ زدہ علاقوں میں بہار کو خوشیوں کے بجائے درد اور دکھ کی علامت قرار دیتے ہوئے کہا کہ نوروز کے خطوں میں پھولوں پر ملبہ اور خون کے سائے چھائے ہوئے ہیں، اور افغانستان میں عوام کو نوروز منانے سے محروم رکھا جا رہا ہے۔صدر زرداری نے نوروز منانے والے افغان عوام کے لیے خصوصی نیک خواہشات کا بھی اظہار کیا اور امید ظاہر کی کہ نوروز اندھیروں کے خاتمے کا پیغام لائے گا، جنگ کے بادل چھٹیں گے اور امن کی روشنی پھیلے گی۔