ڈیزل 7 روپے 76 پیسے اور پٹرول 3 روپے 40 پیسے فی لٹر سستا

ملک بھر میں پٹرولیم مصنوعات کی قیمتوں میں کمی کا اعلان کر دیا گیا ہے، جس سے عام صارفین کو مہنگائی کے دور میں کچھ ریلیف ملنے کی توقع ہے۔

پٹرولیم ڈویژن کی جانب سے جاری کردہ باضابطہ نوٹیفکیشن کے مطابق، ہائی اسپیڈ ڈیزل کی قیمت میں 7 روپے 76 پیسے فی لٹر جبکہ پٹرول کی قیمت میں 3 روپے 40 پیسے فی لٹر کمی کی گئی ہے۔ قیمتوں میں اس ردوبدل اور کمی کے بعد اب پٹرول کی نئی قیمت 374 روپے 51 پیسے فی لٹر جبکہ ڈیزل کی نئی قیمت 395 روپے 20 پیسے فی لٹر مقرر کر دی گئی ہے۔

واضح رہے کہ پٹرولیم مصنوعات کی قیمتوں میں ہونے والی اس کمی سے ٹرانسپورٹ، صنعت اور روزمرہ زندگی میں پٹرول اور ڈیزل استعمال کرنے والے صارفین کو براہِ راست مالی ریلیف حاصل ہوگا، تاہم پٹرولیم ڈویژن کے مطابق ان نئی قیمتوں کا اطلاق صرف ایک دن یعنی 3 نومبر تک کے لیے ہوگا۔