عالمی قرضہ جاتی نظام میں توازن کی جانب قدم: پاکستان کی پہل پر “بارورز پلیٹ فارم” کا 15 اپریل کو آغاز ہوگا؛
Web Desk
2 April 2026
اقوام متحدہ (نیویارک): پاکستان نے عالمی مالیاتی نظام میں موجود ساختی عدم توازن کو دور کرنے کے لیے ایک تاریخی اقدام کا اعلان کیا ہے۔ اقوام متحدہ میں پاکستان کے مستقل مندوب سفیر عاصم افتخار احمد نے رکن ممالک کو بریفنگ دیتے ہوئے بتایا کہ 15 اپریل 2026 کو واشنگٹن میں آئی ایم ایف اور عالمی بینک کے اسپرنگ اجلاسوں کے موقع پر “بارورز پلیٹ فارم” (Borrowers Platform) کا باضابطہ افتتاح کیا جائے گا۔
سفیر عاصم افتخار نے عالمی صورتحال کی سنگینی پر روشنی ڈالتے ہوئے کہا کہ دنیا کے 3.3 ارب سے زائد افراد ایسے ممالک میں مقیم ہیں جہاں ریاستیں تعلیم اور صحت جیسے بنیادی انسانی حقوق کے بجائے قرضوں کی واپسی پر زیادہ رقم خرچ کرنے پر مجبور ہیں۔ انہوں نے واضح کیا کہ موجودہ قرضہ جاتی نظام تاریخی طور پر صرف “قرض دہندگان” (Lenders) کے مفادات کے تحفظ کے لیے بنایا گیا ہے، جبکہ قرض لینے والے ممالک کے پاس اپنے تجربات اور چیلنجز بانٹنے کے لیے کوئی مشترکہ ادارہ جاتی پلیٹ فارم موجود نہیں تھا۔
اس خلا کو پُر کرنے کے لیے گزشتہ سال “سیویلا عزم” کے تحت اس پلیٹ فارم کی بنیاد رکھی گئی تھی، جس میں یو این سی ٹی اے ڈی (UNCTAD) نے تکنیکی معاونت فراہم کی ہے۔ سفیر عاصم نے واضح کیا کہ یہ پلیٹ فارم کوئی “مذاکراتی فورم” یا قرضوں کی تنظیم نو کا ادارہ نہیں ہوگا، بلکہ ایک ایسا معاون فورم ہوگا جہاں ترقی پذیر ممالک ذمہ دارانہ قرضہ جاتی پالیسیوں، شفافیت اور اپنی اجتماعی آواز کو عالمی مباحثوں میں مؤثر بنانے کے لیے تعاون کریں گے۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026