پاکستان کا خطے میں کشیدگی کم کرنے اور جنگ بندی پر زور
Web Desk
26 March 2026
اسلام آباد: دفترِ خارجہ کے ترجمان طاہر حسین اندرابی نے ہفتہ وار پریس بریفنگ کے دوران واضح کیا ہے کہ پاکستان مشرقِ وسطیٰ میں جاری کشیدگی کے خاتمے اور فوری جنگ بندی کے لیے اپنا بھرپور سفارتی کردار ادا کر رہا ہے۔ ترجمان کے مطابق، وزیراعظم شہباز شریف اس سلسلے میں سعودی ولی عہد، ایرانی صدر سمیت لبنان، مصر، ناروے، آذربائیجان اور بنگلہ دیش کے سربراہان سے مسلسل رابطے میں ہیں تاکہ خطے میں امن و استحکام کو یقینی بنایا جا سکے۔
ترجمان نے بتایا کہ نائب وزیراعظم و وزیرِ خارجہ بھی سفارتی محاذ پر مکمل متحرک ہیں اور برادر ممالک کے ساتھ مشاورت کا سلسلہ جاری رکھے ہوئے ہیں۔ پاکستان نے عالمی سطح پر مساجد، خواتین اور بچوں پر ہونے والے حملوں کے خلاف آواز بلند کی ہے اور انسانی بنیادوں پر فوری امداد کی فراہمی پر زور دیا ہے۔
بریفنگ کے دوران ترجمانِ دفتر خارجہ نے مقبوضہ کشمیر میں بھارتی مظالم کا ذکر کرتے ہوئے سری نگر کی تاریخی جامع مسجد کی بے حرمتی اور اسے سیل کرنے کے اقدام کی شدید مذمت کی۔ انہوں نے کہا کہ مذہبی مقامات کی بے حرمتی گہری تشویش کا باعث ہے، بھارت مقبوضہ وادی میں بنیادی انسانی حقوق کی فراہمی یقینی بنائے۔ پاکستان کشمیریوں کی اخلاقی، سیاسی اور سفارتی حمایت جاری رکھنے کے عزم پر قائم ہے۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026