پاکستان میں مہنگائی بڑھنے کا خدشہ ، وزارت خزانہ کی ماہانہ رپورٹ جاری
Web Desk
31 March 2026
وزارت خزانہ نے ماہانہ معاشی جائزہ رپورٹ جاری کر دی ہے جس میں مشرق وسطیٰ کی جنگ کے باعث مہنگائی میں اضافے کا خدشہ ظاہر کیا گیا ہے۔
رپورٹ کے مطابق رواں ماہ مہنگائی کی شرح سات اعشاریہ پانچ سے آٹھ اعشاریہ پانچ فیصد کے درمیان رہنے کا امکان ہے، جبکہ عالمی سطح پر تیل کی قیمتوں میں اضافے سے صنعتی لاگت بڑھنے اور درآمدی بل میں اضافے کا خدشہ بھی ظاہر کیا گیا ہے۔
وزارت خزانہ کا کہنا ہے کہ عالمی غیر یقینی صورتحال کے باوجود پاکستان کی معیشت کا قریبی منظرنامہ محتاط طور پر مثبت ہے اور استحکام برقرار رہنے کی توقع ہے۔
رپورٹ میں بتایا گیا ہے کہ صنعتی شعبے میں بہتری کے آثار نمایاں ہونا شروع ہو گئے ہیں، جبکہ ٹیکسٹائل مشینری اور تعمیراتی اشیاء کی درآمد میں اضافہ ریکارڈ کیا گیا ہے۔
حکومت کی جانب سے پیٹرولیم ذخائر کو برقرار رکھنے کے اقدامات جاری ہیں، جبکہ توانائی کی طلب پر قابو پانے اور اخراجات میں کمی پر توجہ دی جا رہی ہے۔
مزید بتایا گیا ہے کہ عید کے موقع پر بیرون ملک مقیم پاکستانیوں کی جانب سے ترسیلات زر میں اضافے کا امکان ہے، جبکہ آئی ٹی برآمدات میں بہتری سے زر مبادلہ کے ذخائر میں اضافہ ہو رہا ہے۔
وزارت خزانہ کے مطابق کرنٹ اکاؤنٹ خسارہ قابو میں رہنے کی توقع ہے۔ رپورٹ میں کہا گیا ہے کہ جولائی سے جنوری تک زرعی شعبے کو قرضوں کی فراہمی میں گیارہ فیصد اضافہ ہوا اور اس دوران ایک ہزار چھ سو انچاس ارب روپے کے زرعی قرضے فراہم کیے گئے۔
اسی عرصے میں نجی شعبے کو بینکوں کی جانب سے آٹھ سو ستاسی ارب روپے قرضہ دیا گیا، جبکہ بڑی صنعتوں کی پیداوار میں پانچ اعشاریہ پچہتر فیصد اضافہ ریکارڈ کیا گیا۔
پاکستان اسٹاک ایکسچینج میں بھی چوبیس اعشاریہ چھ فیصد اضافہ ہوا اور انڈیکس ایک لاکھ چھیالیس ہزار سے تجاوز کر گیا، جبکہ اسٹیٹ بینک کے زرمبادلہ کے ذخائر سولہ اعشاریہ چار ارب ڈالر تک پہنچ گئے ہیں۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026