نیویارک میں یومِ پاکستان کی پُروقار تقریب، قونصل خانے میں پرچم کشائی
Web Desk
24 March 2026
نیویارک میں پاکستان کے قونصل خانے میں یومِ پاکستان کے موقع پر پرچم کشائی کی ایک پروقار تقریب منعقد ہوئی، جس میں قونصل خانے کے افسران اور عملے نے شرکت کی۔
تقریب کا آغاز تلاوتِ کلام پاک سے ہوا، جس کے بعد قونصل جنرل عامر احمد اتوزئی نے قومی ترانے کی دھن پر قومی پرچم لہرایا۔ اس موقع پر صدر پاکستان، وزیر اعظم اور نائب وزیر اعظم و وزیر خارجہ کے پیغامات بھی پڑھ کر سنائے گئے، جن میں یومِ پاکستان کی تاریخی اہمیت کو اجاگر کیا گیا اور بانیانِ پاکستان کی قیادت کو خراجِ عقیدت پیش کیا گیا۔
اپنے خطاب میں قونصل جنرل نے قراردادِ لاہور کی اہمیت اور قائداعظم محمد علی جناح کے رہنما اصولوں پر روشنی ڈالی۔ انہوں نے کہا کہ پاکستان نے ہر دور میں استقامت اور عزم کے ساتھ چیلنجز کا مقابلہ کیا ہے اور مستقبل میں معاشی استحکام، قومی یکجہتی اور مشترکہ کوششوں کے ذریعے ترقی کی منازل طے کرے گا۔
انہوں نے امریکا میں مقیم پاکستانی کمیونٹی کی خدمات کو سراہتے ہوئے کہا کہ وہ دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔
تقریب کے اختتام پر پاکستان کے قیام کے مقاصد سے تجدید عہد کا اظہار کیا گیا اور ملک کی ترقی و خوشحالی کے لیے اجتماعی کوششوں کے عزم کا اعادہ کیا گیا۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026
قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق
19 November 2026