پاکستان اور اے ڈی بی کے درمیان 257 ملین ڈالر کے ترقیاتی معاہدے
Web Desk
12 December 2025
وزارتِ اقتصادی امور کے مطابق پاکستان اور ایشیائی ترقیاتی بینک (اے ڈی بی) کے درمیان 257 ملین ڈالر کے دو ترقیاتی معاہدوں پر دستخط ہو گئے ہیں۔ یہ معاہدے پنجاب میں تعلیم اور صحت کے شعبوں کی بہتری کے لیے اہم سنگِ میل قرار دیے جا رہے ہیں۔
ترجمان اقتصادی امور کے مطابق اے ڈی بی نے پنجاب کے لیے 107 ملین ڈالر مالیت کا سٹیم ایجوکیشن پروگرام منظور کیا ہے، جس کے تحت جدید سٹیم لیبز قائم کی جائیں گی اور اساتذہ کو جدید تربیت فراہم کی جائے گی، جس سے صوبے میں سیکنڈری تعلیم میں نمایاں بہتری آئے گی۔
صحت کے شعبے میں پنجاب نرسنگ و ہیلتھ ورکس فورس ریفارم پروگرام کے لیے 150 ملین ڈالر کی معاونت فراہم کی جائے گی۔ منصوبے کے تحت لاہور، ملتان اور راولپنڈی میں نرسنگ کے تین سینٹرز آف ایکسی لینس قائم کیے جائیں گے، جو صوبے میں طبی عملے کی تربیت اور صحت کی خدمات کے معیار کو بہتر بنانے میں اہم کردار ادا کریں گے۔
ترجمان کے مطابق اے ڈی بی کی یہ معاونت پائیدار سماجی ترقی کے لیے ایک بڑا قدم ہے۔ معاہدوں پر وزارت اقتصادی امور کے سیکرٹری اور اے ڈی بی کی کنٹری ڈائریکٹر ایما فین نے دستخط کیے، جبکہ حکومتِ پنجاب کی جانب سے سیکرٹری سکول ایجوکیشن اور سیکرٹری اسپیشلائزڈ ہیلتھ کیئر نے دستخط کیے۔
اے ڈی بی کی کنٹری ڈائریکٹر کے مطابق دونوں پروگرام نتائج پر مبنی ہیں اور صوبے میں نظامی اصلاحات کا اہم حصہ ثابت ہوں گے۔
متعلقہ عنوانات
پنجاب: پولیس ریکارڈ سرٹیفکیٹ کے اجرا کا نیا قانونی طریقہ متعارف کرانے کا فیصلہ
17 November 2026
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور
17 November 2026
فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق
17 November 2026
عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ
17 November 2026
ایران کا آبنائے ہرمز کے قریب امریکی ڈرون قبضے میں لینے کا دعویٰ
17 November 2026
باب المندب سے فورسز کا انخلا، سعودیہ نے اتحادی فوج کا کمانڈر بدل دیا
17 November 2026
طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف
17 November 2026
ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس
17 November 2026