پاکستان کا ایشیائی ترقیاتی بینک سے 56ارب روپے کا نیاقرض لینے کافیصلہ

پاکستان نے ایشیائی ترقیاتی بینک سے 56 ارب کا نیا قرض لینے کا فیصلہ کیاہے۔یہ رقم ٹیکس اور کسٹمز نظام میں شفافیت اور بہتری لانے، پوائنٹ آف سیل سسٹم اور ڈیجیٹل انوائسنگ کو فروغ دینے پر خرچ ہوگی۔

قرض کی رقم سے ٹیکس وصولی میں اضافے کے لیے ریونیو سسٹم میں خامیاں دور کی جائیں گی، ڈیٹا اینالیٹکس کے ذریعے کارکردگی بہتر بنانا اور تجارتی عمل کو آسان اور شفاف بنانا بھی اہداف میں شامل ہے۔

معیشت کو مضبوط بنانے کے ساتھ ٹیکس نیٹ کو بڑھایا جائے گا، خودکار اور جدید ریونیو سسٹم کے قیام کی طرف بھی پیشرفت ہوگی۔حکام کے مطابق ایف بی آر نظام کو جدید بنانا منصوبے کا حصہ ہے۔