پیٹرولیم مصنوعات کی قیمتوں میں اضافے کے بعد آئل ٹینکر مالکان نے ہڑتال کی دھمکی دے دی

راولپنڈی میں آئل ٹینکر کنٹریکٹر ایسوسی ایشن کے صدر عبداللہ آفریدی نے پٹرولیم مصنوعات کی قیمتوں میں بڑے اضافے کے بعد ایک اہم اعلان کیا ہے۔ انہوں نے کہا کہ ڈیزل کی قیمتوں میں 184 سے 185 روپے کے اضافے کے بعد کسی بھی آئل ٹینکر کو لوڈ نہ کیا جائے۔

صدر ایسوسی ایشن نے او ایم سیز کے خلاف احتجاج اور کرایہ بڑھانے کا مطالبہ کیا، اور کہا کہ موجودہ کرایوں میں کام کرنا ممکن نہیں اور شدید مالی نقصان کا خدشہ ہے۔ انہوں نے کے پی کے، پنجاب سمیت دیگر علاقوں میں سپلائی متاثر ہونے کا امکان بھی ظاہر کیا۔

عبداللہ آفریدی نے کہا کہ نقصان سے بہتر ہے کہ گاڑیاں کھڑی رکھی جائیں اور او ایم سیز اور متعلقہ حکام پر ظلم اور ناانصافی جاری ہے۔ انہوں نے ایک ہفتے سے حکام سے رابطے جاری رکھنے کے باوجود کوئی مثبت پیش رفت نہ ہونے پر گاڑی مالکان سے اپیل کی کہ وہ احتجاج میں حصہ لیں۔

انہوں نے مزید کہا کہ پائپ لائن کوٹہ میں تبدیلی سے ٹینکر مالکان متاثر ہو رہے ہیں، اور جب تک کرایہ نہیں بڑھایا جاتا، ٹینکر نہیں چلیں گے۔ مطالبات منظور نہ ہونے کی صورت میں ملک گیر ہڑتال اور احتجاج کا اعلان کیا جائے گا۔