ایران پر اسرائیلی و امریکی حملوں کے بعد تیل کی عالمی قیمتوں میں 10 فیصد اضافہ

لندن: ایران پر اسرائیل اور امریکا کی جانب سے کی گئی کارروائیوں کے بعد عالمی منڈی میں تیل کی قیمتوں میں نمایاں اضافہ ریکارڈ کیا گیا ہے۔

رپورٹس کے مطابق حالیہ کشیدگی کے باعث خام تیل کی قیمت میں تقریباً 10 فیصد اضافہ ہوا ہے، جس کے بعد تیل 80 ڈالر فی بیرل تک پہنچ گیا۔

ماہرین کا کہنا ہے کہ اگر خطے میں بحران مزید شدت اختیار کرتا ہے تو تیل کی قیمت 100 ڈالر فی بیرل تک بھی جا سکتی ہے۔ ان کے مطابق مشرق وسطیٰ کی صورتحال عالمی توانائی منڈی پر براہِ راست اثر انداز ہو رہی ہے۔

یاد رہے کہ رواں سال کے آغاز میں تیل کی قیمت تقریباً 73 ڈالر فی بیرل تک پہنچ چکی تھی، تاہم حالیہ پیش رفت کے بعد منڈی میں غیر یقینی صورتحال بڑھ گئی ہے۔