شمالی وزیرستان میں دراندازی کرنے والے 8 کی شناخت، 2 افغان نکلے

پاکستان سکیورٹی فورسسز  کی جانب سے شمالی وزیرستان میں ایک  کارروائی میں ہلاک ہونے والے کی شناخت ہوگئی، ان میں دو  افغان شہری بھی شامل ہیں۔
ذرائع کا کہنا ہے کہ ہلاک دہشت گردوں میں سے 2 کا تعلق افغانستان سے ہے، جن میں ایک کی شناخت امیر حمزہ حقیار کے نام سے ہوئی ہے، مارے گئے ایک اور دہشتگرد امیر عبدالرحیم ولد زرولی کا تعلق افغانستان کے صوبے پکتیا سے تھا۔

پاکستان سکیورٹی ذرائع کے مطابق تمام دہشتگرد دراندازی کی کوشش کے دوران سکیورٹی فورسز کی بروقت کارروائی میں ہلاک کیے گئے۔

ذرائع کا کہنا ہے کہ واقعہ سے متعلق مزید تفصیلات اکٹھی کی جا رہی ہیں جبکہ علاقے میں سکیورٹی مزید سخت کر دی گئی ہے۔