شمالی کوریا کا ایک ہفتے میں دوسرا میزائل تجربہ، خطے میں کشیدگی

شمالی کوریا نے ایک ہفتے کے اندر اندر دوسرا میزائل تجربہ کیا ہے، جس سے مشرقی ایشیا میں کشیدگی بڑھنے کا اندیشہ ہے۔جنوبی کوریا کی نیوز ایجنسی کے مطابق شمالی کوریا نے تقریباً 10 بیلسٹک میزائل سمندر کی طرف داغے۔یہ میزائل پیانگ یانگ کے قریب سنان علاقے سے فائر کیے گئے۔ ان میں سے ایک میزائل تقریباً 340 سے 350 کلومیٹر تک گیا اور پھر جاپان کے سمندر میں گرا۔

جاپان اور جنوبی کوریا نے کہا کہ میزائل ان کے اقتصادی سمندری زون کے باہر گرے اور کوئی نقصان نہیں ہوا ہے۔

اس سے چند دن پہلے بھی شمالی کوریا نے اسٹریٹجک کروز میزائلوں کا تجربہ کیا تھا جس کا مشاہدہ رہنما کم جونگ ان نے خود کیا۔